طاجن بسلة باللحمه في 3 خطوات
 |
| طاجن بسلة باللحمه في 3 خطوات |
1 ..
حطي حلة ع النار و فيها شوية زيت (حوالي معلقتين) و مكعب زبدة .. و بعد كده حطي عليهم بصلة كبيرة + 3 فصوص ثوم مفرومين و نشوحهم مع بعض شوية.
2 ..
حطي عصير الطماطم و حطي بقى البهارت بتاعتك و الملح و الفلفل الأسود و مكعب مرقة دجاج و قلِّبي كله مع بعضه .. بعد كده حطي البسلة اللي مفرَّطاها من قبل كده و الجزر المتقطع و يتساب على نار وسط لحد ما البسلة تستوي.
3 ..
دي بقى مرحلة الطاجن .. حطي البسلة بعد ما استوت في الطاجن و حطي عليها بطاطستين وسط متقطعين مكعبات و حطي اللحمه بتاعتك (اللي هي المفروض مسلوقة طبعا و جاهزة) .. حطينا الحاجات في الطاجن ؟ نحط الطاجن في الفرن لحد ما كله يستوي و الطاجن ياخد وش (وشه يتحمر يعني) و بالهنا و الشفا
نخلي بالنا ..
- في الخطوة الأولى .. مش لازم نستنا الزيت مع الزبدة يسخنوا عشان نحط البصل و الثوم
- التشويح بيكون انك تدي البصل تقليبة مع الزيت ع النار و يسخنوا مع بعض .. لونه مش هيتغير حتى .. دا غير التحمير
- الطاجن دا أحسن حاجة معاها رز بالشعرية .. بيبقى تحفة
No comments:
Post a Comment