الممبار في 4 خطوات سهلة
 |
| الممبار في 4 خطوات سهلة |
1. التحضير و التنظيف:
نجيب حوالي كيلو ممبار صغير (صغير عشان يستوي بسرعة و يقطم في الأكل) و نغسله كويس و نجيب سكينة نكحت بيها الممبار بس من غير ما نقطعه ، نكحت بحيث تشيل الدهون اللي برا و نحافظ عليه ميتقطعش ، بعد ما ننضفه كويس من برا نقلبه (يعني تخلي الوش اللي جوا هو اللي برا) و نحطه في طبق فيه خل لمدة ربع ساعة بعد كده ننضف الوش دا (اللي هوا كان جوا أصلا و احنا قلبناه) بسكينة زي ما عملنا في الوش اللي فات لحد ما نشيل كل الطبقات اللي عليه من برا ، بعد كده نسيبه شوية في ميه مع خل و لمون عشان الزفارة تروح.
2. الخلطة:
نفرم بصلتين كبار مع حوالي كيلو طماطم في الخلاط ، و نغسل كيلو رز بلدي و نحط عصير البصل و الطماطم ، و نحط البهارات و الملح و الفلفل الأسود و 3 حزمة خضرة (بقدونس) و شوية زيت و نقلبه كويس.
كل دا ني في ني من غير وضع الخليط على النار خالص ، و الخطوة الجاية بقى هنحشي الممبار.
3. الحشو:
هنجيب قمع و لو مش متوافر نجيب النصف العلوي من أي زجاجة بلاستيك و نحشي بيها الممبار و الطريقة هتسهل عليكي جدا. و الصور اللي تحت فيها الطريقة اللي بقول عليها
 |
| الممبار في 4 خطوات سهلة |
4. السلق و التحمير:
الممبار بيتسلق زي اللحمه في ماء غزير مع وضع ورق لورى و حبهان و ملح وفلفل أسود و بصل و يترك حوالي نصف ساعة على النار ، لما الميه تغلي نوطي النار لحد ما الممبار يستوي و نطلعه كله من الميه. التحمير بقى بيكون في زيت غزير و بالهنا و الشفا.
نخلي بالنا:
- منحطش رز كتير في الممبار عشان الرز بينفش لما يستوي فالممبار ممكن يتقطع بسهولة ، يعني إملي نص الممبار بالرز
